MetehanUlugh Ramzan éyinglargha mübarek bosun!
ETIC
Mana hesh pesh digüche 2018-yilning otturigha kelduq, weten ichi we siridiki pütün sherqiy türkistan xelqi hem dunya musulmanliri cheksiz hayajan we teshnaliq ichide mubarek ramzan éyigha sherep bilen qedem bésish aldida turuptimiz, sherqiy türkistan informasyon merkizi bolush süppitimiz bilen barliq sherqiy türkistanliqlarning mubarek ramzan éyini qizghin tebrikleymiz! Allaning qudriti we himmiti bilen jennetning pütün ishikliri daghdam échilidighan, gunahlar kechürüm qilinip, shepqet yaghidighan, pütün tileklirimiz qobul bolidighan, pütün sheytanlar zenjirge mehkum qilinidighan mushundaq xasiyetlik bir ayning yétip kélishi munasiwiti bilen, weten ichi we sirtidiki pütün xelqimning ushbu ramzan éyini yürektin qutluqlaymen. Alla ibaditinglarni, du’aliringlarni qobul qilghay, ulugh rozining xasiyiti bilen hemmimizge hidayet ata qilghay !
Eziz qérindashlirim, her qétim pütün dunya musulmanlirini shatliqqa chömdürgen mana mushundaq xasiyetlik ay – künler yétip kelginide, weten ichide xitay zulumi astida azab chékiwatqan milyonlighan xelqimiz, xitayning wehshiy zindanlirida jan talishiwatqan sansizlighan bigunah qérindashlirimiz, xitayning ichki ölkiliride sersan – sergerdan bolup xorluq ichide ingrap yürgen bichare oghul – qizlirimiz, yene shundaqla wetensizlik derdidin körüsh imkaniyitimiz bolmighan wetendiki ata – ana, uruq – tughqan we dost – yarenlirimiz köz aldimizda namayan bolidu we buningdin cheksiz azablinimiz ! Hemmizge melum bolghinidek, wetinimiz sherqiy türkistan kommunist xitayning tajawuzigha uchrighan 60 nechche yildin buyan, weten ichidiki xelqimizning birer künimu xatirjemlik we shatliq ichide ötüp baqqini yoq, xelqimizning her bir küni qanliq yash töküsh we musibet ichide hesretlinish bilen ötti, adaletsizlikke qarshi heqni sözligenning tili késildi, chidighusiz zulumgha qarshi isyan bayriqi kötürüp chiqqanning béshi késildi, özining musulmanliq mejburiyetlirini ada qilish üchün namaz qilish we roza tutush uyaqta tursun, hetta ” men musulman ” dégüchilerge xitay jallatlirining aldida bir gunahkargha aylinip qaldi ! Uyghur militi tarixta misilisi körülmigen zor irqiy yoqutushqa duch kéliwatqan bir xeterlik weziyette turuptimiz, barliq sherqiy türkistan xelqi choqum qayghuni küchke aylandurup, iman étiqadida mehkem turush bilen birge zalim qanxor xitaygha qarshi birlik sepni mustehkemlep, sherqiy türkistan dawasini kucheytish yolida jiddiy herketke ötüshimiz tolimu zörordur!
Mana bu mubarek ayni xuddi Allahning buyrughinidek, birlik, ittipaqliq, dostluq, hemkarliq we söygü éyigha aylandurup, bu ulugh ay we ulugh künlerde, her bir ibaditimizde Allahdin wetinimiz sherqiy türkistangha azadliq we xelqimizge hörlük tileyli !
