Metehan
Abduljélil Qariqash: xitayning jeset köydürüsh meydanlirini keng kölemde yashisishi irqiy qirghinchiliqning bisharitidur!
ETIC
ETIC
Erkin asiya radiosining tönügünki xewirige qarighanda, xotening qariqash nahiyeside depne murasimi orni nami astida jeset bir terep qilish orunlirining qurulushqa bashlighanliqi we buning urchi qatarliq yézilarda 4-5 kentte birdin tesis qilinghanliqi ashkarilanghan idi. Muxbirimizning bu heptidiki éniqlishi dawamida, jeset bir terep qilish ornining qaraqash bazar ichidiki chiniwagh saqchixanisi tewelikide her bir kentte birdin qurulghanliqi ashkarilanghan.
Sherqiy türkistanning bir qisim jaylirida zor kölemlik jeset köydürüsh orunliri quruluwatqandin bashqa yene qeshqer, xotenlerde depne murasimi orni we méyit uzitish orni dégendek namlarda jeset bir terep qilish orunlirining taki kentlerge qeder kéngeytiliwatqanliqi ashkarilanghan. Saqchi xadimlirining pash qilishiche, qaraqash nahiyesining chinibagh saqchixanisigha qarashliq 13 kent we 2 ahaliler komitétining hemmiside birdin jeset bir terep qilish orni tesis qilinghan.
Bu toghursida sherqiy türkistan informasyon merkizi re’isi abduljélil qariqahs ependi jiddiy bayanat bérip mundaq dédi; sherqiy türkistanda her bir kenitlergiche jeset köydürüsh meydanlirini yasash yaxshiliqning bishariti emes, belki xitayning irqiy qirghinchiliqning bisharitidur, xitay bu arqiliq sherqiy türkistanda deslepki irqiy qirghinchiliqni bashlidi, buningdin kéyin keng kalemlik qirghinchiliqlarnimu bashlishi mumkin, xitayning insan qélipidin chiqqan bu wehshiyane qilmishni qattiq eyilesh bilen birge xelqara jemiyetni bu weqege qarita jiddiy herketke ötüshke chaqirmiz!